მომსახურებისა და მოსაკრებლის გადახდა უკვე თიბისი ბანკში
თბილისის არქიტექტურის სამსახურის მომხმარებლებს მშენებლობის ნებართვის მოსაკრებლის, კულტურულ ძეგლებზე მოსაკრებლის, დაჩქარებული მომსახურებისა და ასევე ექსკლუზიური მომსახურების საფასურის გადახდა უკვე თიბისი ბანკსა და „თიბისი ფეის“ გამოყენებით შეეძლებათ.
აქამდე ამ ტიპის მომსახურებასთან დაკავშირებული თანხების გადარიცხვის განხორციელება მხოლოდ „ლიბერთი ბანკისა“ და „საქართველოს ბანკის“ მეშვეობით იყო შესაძლებელი.
