მშენებლობის ნებართვის დაჩქარებული წესით გაცემა შესაძლოა გაუქმდეს
საქართველოს პარლამენტის მიერ ,,ადგილობრივი მოსაკრებლების შესახებ“ საქართველოს კანონში განხორციელდა ცვლილება, რომლითაც გამოირიცხა მშენებლობის ნებართვის დაჩქარებული წესით გაცემის შესაძლებლობა. დაჩქარებული მომსახურების საფასური არ არის მოსაკრებელთან კავშირში, მოსაკრებელი სავალდებულო გადასახდელია, დაჩქარებული მომსახურების საფასური კი ნებაყოფლობითი, რაც მოქალაქეებს ეფექტური მომსახურებით სარგებლობის უფლებას აძლევს. დაჩქარებული მომსახურების სერვისი დაინერგა სამშენებლო პროცესების წახალისებისა და ხელშეწყობის მიზნით და ამავდროულად კორუფციის აღმოფხვრის ერთერთი ეფექტური მექანიზმია.
დაჩქარებული მომსახურების შენარჩუნების მიზნით ქ. თბილისის მერიამ მოამზადე და საქართველოს პარლამენტის თავმჯდომარეს გაუგზავნა ,,ადგილობრივი მოსაკრებლების შესახებ“ საქართველოს კანონში ცვლილებების შეტანის თაობაზე კანონპროექტი. ვიმედოვნებთ, რომ კანონი მიღებულ იქნება და არ შეფერხდება დედაქალაქში მიმდინარე სამშენებლო პროცესები.
